(من محافظة المنيا..العاميه عنده تحتاج الي محاكمة للغة لقدرتها علي الإنفلات اللذيذ مع سبق الاصرار والترصد)
من قصائده :
(1)غنيوة لعنيها
غرقان بيتشعبط ف رمشك
وأمانه يا أم الودع ..
ما تردنيش طاوي
أنا لو بابوح من وسع
كان الشروق اتسع ..
واتمد ف غناوي
علي شطوطك أبان راسي
دي الروح ضياها اتخلع
من رسمتي لكاسي
ولو الدماغ جوا الفراغ
متشعلقة
انسيني أنا ...
ن
ا
س
ي
(2) من غير عنوان
بارفع راسي لفوق وانا ماشي
أسمعلك..
زي دبيب النمل
ف قلب الصخر
فوق الضهر
طوابي الحزن-مقدر
أطلع ألمم بوسة واشمها زمان علي خدك
وأترك شهقة تفوت علي قدك..
حاطة البنسة ف شعرك ليه ؟
وأنا يلي ف دربك
أزك ..
وأقيد
وأتنتور من
شباكة
حديد
علي رغم بأني باخاف أحلم.
***
أنا عارف اني
نزلت
باعيط - فوق الرمل
حتي الصدر اللي يخبيني..
مفيش
والريش...
بيفوتوا الناس الي
مجريهم - بين الروح والجلد
يقصوا جدوره
أندم لما الغربه تلف عروقي
أغني لزعف النخل
ينقط
جوه
وداني اسرار
***
همس البحر معايا
ي
س
ق
ط
قبل ما يوصل
هل هلال الشهر الماضي
زي ما رجلك في الخلخال
***
أفتح باب النظرة
وأقول..
أنا ما كدبتش
لما عملت ف قلبي شوارع
أو دفيت الطفل الميت فوق الترمس
حاسس باكدب..
لما باقولك ..
إني ندمت
أو جميزة بتخلع روحها
تروح لبعيد
***
عايز اقول
حواديت القمري الداخل
جوا زمام النصل
والمية الي ما تطلعش لفوق
أو غزل بنات
ما قدرتش أدوقه
ف حين البحر يشق خدوده
وما بتدريش ..
هل ممكن أغني لحد الصبح
ولا عنيكم لسه بتسرق مني الريش ؟
(3) رجرجة
يا برد يا...
ضلعين غُنا الصبار
الوقت عيد
فما تمتحنش ف جتتي القدره
وما تمشينيش كليو ارتعاش
وساعتها مش هاقدر أعيش
ولا هارمي حزمة الجوابات ف صندوقك
أنا عضمي بيشكشك
ف لحنك موج
ما تكهنوش جنب الرصيف
ولا تطفيهوش تحت الورق
العمر سارحه ف جتته العته
وخلاص...
قررت أدخّل ف الغطا صوتها
واغرق ف أحلامي/الطريق
يمكن
أطفي بنارك العتمة
اللي طالعه م الفوانيس
شريف الحسيني
**من قصائده الفصحي..
جزء من قصيدة أبجدية للإنفلات
وتحملُ كفيّ المملوء
بالطلسم
فترفعُ وجهها الخلويّ
مملكة من التقديس
تسمعني..
حفيف الصمت في الكلمات:
بلاد الله ما وسعت
براح القلب
وسم الإبرة المقفول
لن يغلق ..
علي العميان لا تقصص
ولا ترقص..
فتجرحني بحد الوقت
وتزرفني علي الأوراق
ستدخل دولة الأشباح مملكتك
(وفوق الخد قبلتهم)
شريف الحسيني
ليست هناك تعليقات:
إرسال تعليق